🚀 go-pugleaf

----------------------------Original message----------------------------
94,000 lagun inguru hurbildu ziren Senperera euskararen aldeko festan
parte hartzeko. * Iparraldeko jende ugari aurten Herri Urratsen.
* Antolatzaileen esanetan, 40-60 milioi pezeta inguru bildu dituzte.
------------------------------------------------------------------------
Kristina LARRA#AGA                                           SENPERE
------------------------------------------------------------------------
Eguraldi ona lagun, milaka eta milaka pertsona hurbildu zen atzo Senpereko
lakura Herri Urratsen XI. edizioan parte hartzera. Aurreko eguneko eguraldi
 axkarrak bestelakorik pentsatzeko bidea eman bazezakeen ere, eguzkiak atzo
bat egin zuen Seaskarekin eta ezerk ez zuen ilundu festa-egun arrakastatsua.

  Zuri#e Mendizabal, ikastoletako Konfederakundeko partaidea izan zen
arratsaldean Herri Urratsen balantzea egitez arduratu zena eta oso baikor
agertu zen 94. Herri Urratsek izan zuen erantzuna ikusi ondoren. Mendiza-
balek eguraldiari erreferentzia egin zion eta berak esan zuenez, herenegun
izan zen egun kaxkarrak ez zuen inolako ereginik izan euskararen aldeko
festa honetan eta espero zuten bezala lagun ugari, milaka eta milaka,
hurbildu zen Senpereko lakura.

  Zuri#e Mendizabalek adierazi zuenez, gazte eta zahar asko inguratu zen
eta partehartze handi honek zera esan nahi du, <<Herri Urrats bizirik
dagoela eta euskara Iparraldean goiti ari dela>>.

HELDU ETA ZAHARRAK

Migel Torres aurtengo ekitaldi honen koordinatzaileak, bere aldetik aurten
heldu eta zahar gehiago eta familia gutxiago inguratu zela azpimarratu
zuen. Torresek gaineratu zuen aurten Herri Urratsera inoiz etorri ez zen
jendea hurbildu zela eta hor barnean 60-70 urteko gizon eta emakume zegoela.

  Festa giroan murgildu eta ikuskizun eta ekitaldiez disfrutatzeaz gain,
jendeak ez zuen ahaztu Seaskari dirulaguntza eskaintzea, azken fienan
festaren helburuetariko bat horixe baita, laguntza ekonomikoa lortzea
Kanboko Xalbador ikastegiaren 2. mailako lizeoaren eraikuntza-lanak
ordaintzeko. Erantzuna, iaz izan zenaren antzekoa izan da aurtengo ekitaldi
honetan. Migel Torresek esan zuenez, 40-60 milioi pezeta inguru bildu
 iren, ikastegi berriaren gastuei aurre egiteko ezin hobeto etorriko
zaizkien milioiak.

  Baina diru kontuak alde batera utzirik, Seaskako arduradunek nabarmendu
zutenez, aurten Iparraldeko jende asko abiatu da Senperera, <<iaz baino
askoz gehiago>>.  Iparraldeko euskaltzaleen presentzia oso interesgarria
da antolatzaileentzat <<bide onean daudela ikusten baitute>>.

  Antolatzaileek ez zuten jendearen kopuru zehatzik aipatu nahi izan
atzokoan, baina 80.000 lagun inguru inguratu zirela, bai, onartu zuten.

  Istripu edo gorabeherei dagokienez, iaz baino istripu gutxiago izan zen,
bihotzekoa lagun bati eman arren.

 RRETENTZIOA

Dagoeneko ohitura bihurtu da Hegoaldeko bizilagun askorentzat Herri Urrats
festan parte hartzea, nahiz horretarako mugan hainbat ordu igarotzera
behartzen dituzten. Aurten ere erretentzioak jasan behar izan zituzten
euskaltzale askok, batzuetan auto ilaren eraginagatik eta beste zenbaitetan
poliziaren presentziagatik.  Beste urte batzuetako gertaerak aurten pairatu
ez arren, poliziak hainbat laguni nortasun agiria eskatu zion eta autobus
batzuk ere errejistratu zituzten. Hala ere, jendeak oztopoei muzin eginez,
Senperera heltzean gertatutako guztiak ahaztu eta festaz gogoz dsfrutatu
zuen.

  Aurtengo ekitaldian antolatutako ekitaldiak arrakasta osoz burutu ziren.
Kantaldi guztiak jendez gainezka egon ziren eta giroa benetan paregabea
izan zen. Imuntzo eta Beloki, Erramun Martikorena, Tapia eta Leturia eta
Anje Duhalde izan ziren beste batzuen artean, egunean zehar aritu zirenak,
eta publikoaren aldetik izugarrizko arreta lortu zuten.

  Kantaldi hauez gain, trikitilariak, bertsolariak, txarangak eta txalaparta
nagusi izan ziren Senpereko lakuan eta egun osoan zehar giroa ederki
alaitu zuten.
egin - 1994 maiatza. 9 astelehena
TZ