🚀 go-pugleaf

On Mon, 10 Aug 1998, Maritorena.David wrote:

> >Street riots in Nevada. Kale borroka in downtown Reno. Just saw it in the
> >TV news. Any basques involved?    :-)
> >Luistxo
> >
> Not officially .They won't admit it.Though I do hear of a 100 or so basques
> taking over a cruise ship to Alaska demanding picon punch and pacharan.
>
Baina hemengo kale borrokek eta EHkoek antz gutxi.
Kalifornia eta Nevadako ohoin taldeek interneteko "gansta" helbidean
Renon biltzeko mezua jarri zuten, poliziek diotenez, eta gazte mozkor
multso horrek kausatu zuen istilu osoa. 280 gartzelara.

Azken asteotan izan dugu beste berririk Renon.

Abuztuan 4n John Ascuagak 14 oineko brontzezko artzain irudia dedikatu
eta bere kasino ertzean jarri zuen. Artzainak ezezik
EEBBetako euskaldun denak ondratzeko dela esan zuen Ascuagak.
Lehendik ere bagenuen artzain monumendu bat Renon, hau baino handiagoa,
Bermioko Basterretxearena, baina abstraktoa delarik ez da euskaldun askoen
atsegineko.
Hau, Douglas Van Howd'ena, berriz, errealista da: artzaina, eskuetan
artxoa eta ondoan zakurra duela, dakusgu. Buruan duen txapela, hordea, ez
luke behar, txapela barik kapela erabiltzen zuten gehienek.

John Ascuaga erretiratu edo zaigu eta badirudi halako euskal "konberzio"
bat izan duela. Dominique Laxalt bezala, bere aitaren herria, Orozko,
bisitatu zuen eta handik ideia berriekin etorri zitzaigun.

Etzi RESTAURANTE OROZKO ireki behar du, sona handiko jatetxea, non euskal
eta Mediterranio jana --"sukalde berri" horietakoa edo-- emango duen.
Jada, Renoko paperean orrialde bat osorik alokatu ta Orozko herri berdea
atzekaldean ("bakraunean") dagoela, bere jatetxe berria anunziatzen hasi
zaigu.

Atzo, igandez, Gardnerville (Renotik 50 km) herri xarmantean "Kantari
Eguna" ospatu genuen, 10gn aldiz. Nevadako iguzki ederra etzen falta.
Etcheverry-Goyhenetchetarrek beren lehen "senide bilera" ospatu zuen
eta 130 ba omen ziren denen artean. Euskara frango entzun nuen haien
artean.
Jende asko bildu zen Gardnervillera, dantza, janedan,
kanta, bertsolari, ta lagunartea gozatuz. Txalo beroenak Kaliforniako
teenage neska talde berri batek jaso zituen... hura zen esku-zarta!
(baina ez da segur zer txalotu zuten gehiago, abestia ala izterrak).
JMallea