🚀 go-pugleaf

Kaixo lagunok:
Egoera gure Euskalherrian dagoela eta artikulu dexente handia agertu zen atzo
Euskadi Informacionean, Iritzi atalean -- hemen bidaltzen dizuet
Txillardegiren bederatzi gogoeta. Aio, Olatz Arkauz

Gora Euskal Herria Askatuta ETA Euskalduna!

PS. Epa Luistxo: lotura bat ipini genuen hemen:
<http://osis.uscd.edu/~ehj/html/newsmp.html>
Eskerrikasko informazioarengatik! Beti aurrera bolie!

Hemen duzue `Bederatzi gogoeta':

                       Bederatzi gogoeta

                        Jose Luis ALVAREZ ENPARANTZA "TXILLARDEGI"/
                                                                    Idazlea



                       Itsu batek ere ikusten du joan den irailaren 18-ko
suetenaz
                       geroztik, errotik aldatu dela giroa. Hilabete luzetan
barrena geldialdi
                       kirats itogarria Euskal Herriaz nagusitu ondoren, orain
alderantzizko
                       joera dugu begien aurrean: pozez eta itxaropenez
oratua.

                       Ez dut nik inolaz ere neure burua esperantza-uhin
orokor eta
                       hazkor horretatik at paratuko. Ni ere sinetsita
bainago, bai
                       suetenak eta bai Lizarrako elkarketak, aurrerapausu
handi baten
                       zantzuak izan daitezkeela.

                       Eta, honeteraz gero, apalki baina irmoki ere bai, gure
herriak behar
                       eta merezi duen arrakesta lortzeko argigarri gerta
daitezkeen
                       bederatzi gogoeta plazaratzea bururatu zait.

                       1.- Suetenaren berria izatean, hauxe esan dute
Madrileko indar
                       politiko nagusiek eta hemengo beren sukurtsaleetakoek:
"Gracias a
                       la firmeza en la defensa de la legalidad vigente, la
paz esta ya
                       conseguida. Sslo falta la entrega de las armas".

                       Hots, guztiz faltsua da argudio hori. ETA ez da euskal
arazoaren
                       jatorria, ondorioa baizik. Gakoa euskaldunon nazio-
eskubideen
                       ukazioan datza. ETAren menia mugagabe honek ez du
euskal
                       arazoa konpontzen. Baina konponbidera eraman dezakeen
                       elkarrizketa zabal dezake.

                       2.- Espainiako Konstituzioa, eta Nafarroako eta
Baskongadetako
                       bi Estatuek, espainiar Estatuaren borondatea biltzen
dute funtsean,
                       ez euskal herriaren nahia. Exo-determinazio hutsa dira,
eta
                       demokraziaren oinarrian jarri behar den Auto-
Determinazioaren
                       ukaera.

                       3.- Urriaren 25an hauteskundeak izango ditugu. Zenbait
astez, eta
                       Estatuen "media" anti-euskaldunen besotik, amnesia
politiko
                       orokorra hedatuko da gure eskualdeetan; eta euskal
                       nazio-arazoaren muin politikoa izkutatuko.

                       Ondoko aste hauetan gure herriak jasango duen
alienazio-mailaz
                       jabetu behar dugu; eta Lizarrako akordioaren bidetik,
zentzuz ezarri
                       behar ditugu oinarriak, azaroan, abenduan, eta abar,
                       hauteskunde-giroko globoak mozorrogabetuz. Hitzetatik
eginetara
                       behar.

                       4.- Urte luze hauetan, HBrekin eskuz esku aberrigintzan
elkarturik
                       ez jokatzeko, arrazoin nagusi bat erabili izan dute
PNVko eta
                       EAko aberkideek: ETAren iharduera. Estakuru hori
desagertua da.
                       Geure burua abertzale jotzen dugun guztiok, eskuz esku
anairiko
                       jokatzeko garaia heldu zaigula esan daiteke, orain
arteko liskarrak
                       ahantziz.

                       5.- Suetenak zabaldu duen garai esperantzagarri
honetan, abertzale
                       guztiok batzen gaituen guztian behar dugu elkartu; eta
berezten
                       gaituen guztia, ahal delarik bederen, eta lege-marko
berria lortu
                       artean, bigarren mailan utzi. Etsai inperialista hortxe
dago. Egun
                       hauetan ere ezin garbikiago agertu denez.

                       6.- Lizarrako Akordioaren barruan aurrera jokatzeko,
oso
                       nabarmen agertzen zaigu premiatsua dugun alor bat:
euskal
                       kulturarena. Eta nazio-hizkuntzarena bereziki. Ez dago
arrazoirik
                       esparru horretan gaurdanixek geure arteko koordinazioa
ez
                       azkartzeko.

                       7.- Dauden gizarte-indarrak beren horretan hurbiltzen
eta
                       bateratzen saiatzea, guztiz bidezkoa da. Zalantzarik
gabe. Baina
                       gizarte-indar horiek berak aldatzen, gutartzen eta
                       euskal-herritartzen ahalegintzea, nork bere aldetik eta
bere ideien
                       arabera burutzea, behar-beharrezko lana ere bai.
Egindako
                       alienazio-lanari egin behar zaio aurre, ausarki.

                       8.- Azkeneko urte hauetan, eta oso arrazoin
desberdinengatik (eta
                       ez beti besteen erruz, aitor dezagun) aukera ederrak
galdu ditugu
                       geure herria azkartuz eta sendotuz joateko. Hau egia
izan arren,
                       aurrera begiratu behar dugu orain. Eta atzean utzitako
errakuntzen
                       zauriak, poliki-poliki joango dira sendatuz.

                       9.- Bakerako keinuen beharra azpimarratzen da egun
hauetan. Hiru
                       bederen gailen agertzen zaizkit:

                       - Euskal presoak Euskal Herrira ekartzea.

                       - Zigorraren hiru laurdenak gaindituta dituzten
presoak, askatzea.

                       - Orain txalotzen den bake-prozesoaren hastapenetan
bultzatzaile
                       nagusi izan den Mahai Nazionaleko 23 kideak (jadanik 10
hilabetez
                       preso) berehalakoan askatzea.

                       Horra hor nire iritzia, argi eta garbi.

                       Arriskuak? Bi:

                       1.- Estatalistek bat eginda, gure eskubideen kontra
"gehiengo
                       espaqola"ren bidetik, enbutuaren legea aplikatu, eta
gogor eta
                       gupidagabe jokatzea.

                       2.- Lizarrako izenpetzaileen arteko batek edo bestek,
                       "gobernagarritasuna"ren izenean, hori guztia "en el
plano de las
                       ideas" uztea, eta lehengo porrusaldara itzultzea.

                       Ez bata ez bestea lirateke lehenengo aldiz gertatuko.

                       Zer egin? Denborarik batere galdu gabe, eta 25a baino
lehenago,
                       urrats konkretu batzuk ematen hastea. Gaur berton,
bihar baino
                       hobeki.

---------------------------------