🚀 go-pugleaf

Oerter@studm.hrz.uni-siegen.de (Melanie Oerter) writes:

>armann@algonet.se (Jan Armann) wrote:

>[snip]


>>Un parve observation. Nos interlinguaistas non regarda interlingua
>>como un lingua 'construite' ma 'extrahite' (ex le vocabularios commun
>>de origine latin/grec) ma il es non troppo importante.

Il non es exactemente justo extrahite ex le linguas de latino e greco,
mais anglese, francese, italiano, espaniol/portugese con germano e
russe como alternates.  Un parola es acceptate in le vocabulario
international de interlingua si illo occurre in le mesme significantia
in variantes de forma similar in al minus tres de iste serie de linguas.
Le facto que le latino e le greco es commun a tote iste linguas del serie,
appoia le observation que interlingua es "extrahite de origine latin/grec".
Mais il ha multe parolas in interlingua que non es solmente latin o
grec:  p.e. "software", "bureau", "intarsia", "toreador", "toboggan",
"toddy", "toilette", que es international.  Le forma del parola 
acceptate a in le vocabulario es le prototypo, o historic o theoretic,
le plus recente de que le variantes se devia in vias characteristic de
lor linguas.

Pro nos qui jam parla un lingua europee, specialmente in le serie
indicate supra, un beneficio de apprender interlingua es un apprehension
e melior comprehension del etymologia de nostre proprie linguas. Pupillos
in scholas qui apprende interlingua, progrede multo rapidemente in
comprehension del lingua, proque le grammatica es simplificate.  Inter
tanto, illes apprende le elementos commun de multe linguas europee.
Interlingua es un vehiculo excellente pro supplementar le materia de
cursos in "Latin and Greek in English (German, etc.)" proque on pote
usar le elementos original in un lingua vivente simple. 

>Sounds reasonable. That's probably why it's understandable to me. 

>>Responsas e commentarios es benvenite in interlingua, anglese, germano
>>o le linguas scandinave.

>Sorry, I can't answer in interlingua or any Scandinavian language, and
>I didn't choose German as English is the dominating language here and
>thus probably understandable to everyone. 

Vostre anglese es excellente! Le homine qui dirigeva le effortios de
disvellopar le interlingua esseva Alexander Gode, un germano, vivente
in le Statos Unite, qui esseva un specialista in le linguas romance e
le philologia german (specialmente le scripturas de Goethe).  Io le
cognosceva in le 1960s.  Ille parlava anglese american perfectemente,
sin accento, ben que tote su education esseva in Germania ante le
Guerra Mundial II.  Le projecto de disveloppar interlingua esseva
fundate per Dave e Alice Morris per le via del "International Auxilliary
Language Association".i

>>Io desira Melanie un Bon Natal e un Bon Anno Nove!
>Danke! Ich wuensche Dir - und den anderen Usern - ebenfalls frohe
>Weihnachten und einen guten Rutsch!

E nos anque vole vos un felice natal e un gaudiose anno nove.

Que es iste "guten Rutsch!"?  Bon glissamento?  "Sia vostre slitta
glissante in le nove anno"?


>Regards,
>Melannie


-- 
Stanley A. Mulaik 
School of Psychology, Georgia Institute of Technology, Atlanta, GA 30332
uucp:	  ...!{decvax,hplabs,ncar,purdue,rutgers}!gatech!prism!pscccsm
Internet: pscccsm@prism.gatech.edu